金太陽美食快餐 (Closed)

以前係上環返工，同一班同事出去食或者外賣，都好少黎呢Ｄ細間快餐廳食。告別上環工作多年，咁岩呢次黎上環搵朋友，係佢公司附近就見到呢一間咁平既快餐食店。可能門面同睇落都有Ｄ殘殘舊舊，又不太起眼，所有以前沒為意，今次行過見到佢LUNCH Set好平，比起附近一帶既平十幾蚊，於是就膽粗粗黎試下啦。店內位置唔大，檯都係幾張，有點兒迫。同埋男性和工人比較多～係收銀處落完單，好快就有得食！粟米肉粒飯，中湯 $26粟米肉粒飯：忌廉（白汁）粟米汁是我的最愛～呢間仲要幾多汁下，好creamy！至於肉粒都夠滑，個人黎講覺得好味！中湯：剛剛好，夠濃味的，味道同大x樂果ｄ味精湯差唔多，不過呢個價錢預左，一分錢一分貨，而且味精湯我從不討厭，多味道就可以了！的確係夠平同抵食，份量又夠多！不過我見炒飯好似麻麻地，有客人食剩好多；相反碟頭飯呢ｄ既就賣相好睇ｄ，多人食ｄ唔想lunch日日食咁貴，都可以考慮黎呢間試下啊！怕迫既可以外賣。