Video
4-min walk from Exit A2, Sheung Wan MTR Station
continue reading
Additional Information
主要售賣快餐給上班一族,價錢約25-35元不等
Opening Hours
Mon - Sun
07:00 - 19:00
Above information is for reference only. Please check details with the restaurant.
Signature Dishes
呢間快餐店我已經幫襯咗幾年,最初見到餐牌真係嚇一跳,上環區竟然仲有廿幾蚊一個餐,而且仲要包埋湯或者飲品.雖然依家已經加價但點都係同區既平價之選.先講湯,店員成日讚啲湯真材實料,的確飲得出無加味精,而且見到大量湯渣.雖然味道略淡,但總比好多味濃但加味精嘅湯好.最重要係加兩蚊就可以將個湯加大,用大湯碗嚟裝,將碗湯同埋成碟飯擺埋一齊對比一下,就會知道份量有幾誇張.相信一個女仔飲完曬成碗湯已經唔使食嘢. 呢度嘅主打就切雞飯同埋咖哩牛腩飯.就算係熟客都要講,食物質素真係非常一般.切雞飯會有雞髀,雞肉唔算鞋,但係無乜雞味.咖哩牛腩/紅酒牛脷飯汁多肉少,而且越來越少,按年遞減,汁味太濃而唔辣.呢度嘅飯量非常多,無信心食晒嘅記住要求少飯.雖然依度缺點都幾多,單以味到嚟講,呢度只係僅僅符合合格水平.但以價錢嚟衡量依然係物超所值(少少啦)嘅.另外呢度嘅店員認得熟客㗎,有講有笑有人情味,見你熱會俾紙巾你抹汗,見你流鼻水都會問候下你,依類舊式快餐店係應該支持嘅
continue reading
路過見到以平價作招徠, 作為窮毒L當然狗衝試下。坦白說$30以下真係好難搵到飯食。見係招牌炸雞心諗應該唔差得去邊, 試完就知我錯了。真的不能貪平。成盒嘢都係凍的, 不論飯定雞。雞係咖喱味, 粉超厚, 肉不多。汁的顏色極不自然, 螢光汁啲fd。啲飯凍晒唔知放咗幾耐。熱檸茶有色冇味, 真係第一次見。呢個故事教訓我唔好亂食炸雞, 特別係平價的, 拎得去炸通常都係唔新鮮。如果唔係揀炸雞, 可能冇咁差。或者下次都係食返齋算了......
continue reading
以前係上環返工，同一班同事出去食或者外賣，都好少黎呢Ｄ細間快餐廳食。告別上環工作多年，咁岩呢次黎上環搵朋友，係佢公司附近就見到呢一間咁平既快餐食店。可能門面同睇落都有Ｄ殘殘舊舊，又不太起眼，所有以前沒為意，今次行過見到佢LUNCH Set好平，比起附近一帶既平十幾蚊，於是就膽粗粗黎試下啦。店內位置唔大，檯都係幾張，有點兒迫。同埋男性和工人比較多～係收銀處落完單，好快就有得食！粟米肉粒飯，中湯 $26粟米肉粒飯：忌廉（白汁）粟米汁是我的最愛～呢間仲要幾多汁下，好creamy！至於肉粒都夠滑，個人黎講覺得好味！中湯：剛剛好，夠濃味的，味道同大x樂果ｄ味精湯差唔多，不過呢個價錢預左，一分錢一分貨，而且味精湯我從不討厭，多味道就可以了！的確係夠平同抵食，份量又夠多！不過我見炒飯好似麻麻地，有客人食剩好多；相反碟頭飯呢ｄ既就賣相好睇ｄ，多人食ｄ唔想lunch日日食咁貴，都可以考慮黎呢間試下啊！怕迫既可以外賣。
continue reading
蘇杭街，小店林立，茶餐廳、點心店、涼果小吃、西式cafe、日式壽司飯店都有，百花齊放、豐儉由人。二十幾至過百蚊既lunch 都搵到，養活左不少嘴饞既中上環打工仔！是日走到近上環既蘇杭街頭搵野醫肚，路過門口舊舊既裝修，卻用一塊瑩光版作為餐牌，都幾吸睛！餐牌頭二位係金太陽快餐牌永不磨滅既筆跡，分別有唔見光既秘製切雞飯，同金太陽炸雞飯，其他就日日唔同款，以一個中午飯黎講，佢個價錢係接近無得輸的，加埋野飲都唔過三草野，難得啊！我買既時候都下午茶時段，舖內人煙疏落，係櫃檯俾錢叫外賣，要金太陽炸雞飯配中湯，憑票去水吧位自己拎外賣，都幾有8，90年代既快餐feel 。返到寫字樓，打開外賣盒.....一pat 醬就係雞扒上，佢醬就話係蜜味波羅汁，但我食落就似洋蔥茄汁，咁味道又確係甜甜酸酸，拎黎拌飯真係可以接受架；到塊炸雞扒，女仔既手掌咁上下大，咁店員都會斬好一舊舊排好，算係咁，由橫切面睇，炸粉略微厚左D，同埋係炸定既關係，雞係凍既，但因為有醬汁關係，掩蓋左炸粉厚呢個缺點，至於雞肉方面炸得算唔錯，未到好乾，仲有水份，唯香氣欠奉，想要食到脆卜卜咁我諗要等好彩炸起果時喇。食完飯梗係飲湯水通通腸胃啦，當日例湯係青紅蘿蔔豬骨，個炸雞飯雖然一段貨仔，但個湯好正，足料不在話下，仲有南杏等等，味道十足，唔會偏咸，係煲出黎果種感覺，味精唔多覺，但做餐廳點都會落些少。總括呢個價錢食到個飯連湯都算係咁啦，有咩好要求！
continue reading
上環吃個午餐並不便宜，一般最平都是四、五十元，難得有一間三十元樓下便有飯盒加飲品，我這些低下層上班族，當然經常去啦!金太陽的午餐選擇幾乎天天都不變，通常有切雞和咖哩牛腩等。內在裝修簡陋，店員又很豪氣，有種很重的麻甩味，所以食客又以男人居多。秘製切雞飯加杯裝汽水 $26雞件雖然不算是新鮮，但又大大件，何謂秘製? 除了蔥油外，我估可能是雪過，然後再煮，雞肉有點爽，雞味並不特別濃，配合大大份量的白飯，26元真的很抵吃!
continue reading