曼谷志明 (Closed)

最近上環發現有間新開嘅泰國餐廳，入面有個又抵又好食嘅一人泰式邊爐。呢排天氣又凍返咁多，就決定今晚去試吓。餐廳就喺上環地鐵站隔離，非常就腳。放工時間都約多人，要等一兩張檯。餐廳裝修簡約，坐位闊落。泰式一人鍋有冬陰公，或者蕃茄湯底可以選擇。配料有豬肉片，豬頸肉，粉絲，豆卜，生菜，娃娃菜，鮮蝦。一人份量就啱啱好。用小火爐加瓦煲，令溫度更加平均。感覺更加有風味，冬陰功味道唔錯，酸同辣嘅味道啱啱好。將配料都落晒，最後碌埋個粉絲，粉絲吸收晒所有湯底嘅精華，好味道。無骨海南雞飯，雞嘅脂肪較少，雞皮爽口，肉質鮮嫩。而飯粒食落煙韌，有淡淡嘅黃薑味。平均一個人都係一百蚊左右，都真係幾抵食。