LLB Bistro (Closed)

今日同朋友揀左間係上環新開的餐廳，識我既朋友都知我鍾情於All day breakfast不論早午晚都可以吃，好耐無食過喇，今日好開心又可以一嚐。午餐配餐湯或沙律，係蕃茄湯配麵包，麵包可以沾我愛的黑醋和橄欖油，好滿足，蕃茄湯好多蕃茄茸又不會太酸。All day breakfast $148 樣子都好吸引，味道都好不錯，有薯餅、茄汁豆、炒菇、麵包、沙律、炒蛋、腸同煙肉；炒蛋上蕃茄有香草味，幾好。Grilled Salmon Fillet w/ seared shrimp, Asparagus & Hollandaise sauce $138，燒三文魚都好香好好食，另外有燒蝦、露筍同薯仔，賣相都好得。+$20 叫左個是日甜品，係焦糖燉蛋，燒得好脆，燉蛋味道有點似中式燉蛋，但我好喜歡個星星盤同隻充滿旅行圖案的碟仔。另外同朋友分別+$15 加左coffee lattee 同coffee mocha，我地食完主食先上咖啡，唔會凍晒，又可以慢慢嘆，超舒服的weekend。