Video
Read full review
2022-11-15
1220 views
Posso 嘅menu設計以簡潔為主，菜式會定期更新，分small同big兩類食物選擇，small dish大概3-4啖食完，big dish大概6-7啖，由於餐廳特色係small bite，三個女仔都可以點成10款食物🫣所以Posso絕對適合幾個女仔甚至小鳥胃嘅朋友一齊探訪。環境同氣氛亦好chill，輕鬆地同朋友傾吓偈，update吓近況🍷7月中去嘅時候menu啱啱更新咗，所以有少許不幸嘅係之前有啲菜式本來想試但已經冇機會試到，不過新menu菜式同樣吸引，完全冇令我哋失望😗最印象深刻嘅Small一定係Millefoglie，第一次食鹹食嘅拿破崙，餡料用kale,beet同mascarpone混合而成青醬，冇草青味之餘，仲勁夾，外層酥皮亦夠酥脆。Cod Arancini係幾出色嘅吉列魚柳，炸過後嘅魚肉唔乾柴，仲保留到鮮嫩嘅肉質。相比small，big嘅食物更得我哋歡心，味道會相對地濃郁啲。必點主食莫過於Cannelloni，係一道較冷門嘅意大利菜式。手工蛋皮捲住啲肉醬然後拎去焗，蕃茄醬汁係非常濃厚，真心好食😋Lobster & potato本來以為薯仔做咗薯蓉，點知底下嘅係粟米醬泥，反
Posso 嘅menu設計以簡潔為主，菜式會定期更新，分small同big兩類食物選擇，small dish大概3-4啖食完，big dish大概6-7啖，由於餐廳特色係small bite，三個女仔都可以點成10款食物🫣所以Posso絕對適合幾個女仔甚至小鳥胃嘅朋友一齊探訪。環境同氣氛亦好chill，輕鬆地同朋友傾吓偈，update吓近況🍷
7月中去嘅時候menu啱啱更新咗，所以有少許不幸嘅係之前有啲菜式本來想試但已經冇機會試到，不過新menu菜式同樣吸引，完全冇令我哋失望😗最印象深刻嘅Small一定係Millefoglie，第一次食鹹食嘅拿破崙，餡料用kale,beet同mascarpone混合而成青醬，冇草青味之餘，仲勁夾，外層酥皮亦夠酥脆。Cod Arancini係幾出色嘅吉列魚柳，炸過後嘅魚肉唔乾柴，仲保留到鮮嫩嘅肉質。
相比small，big嘅食物更得我哋歡心，味道會相對地濃郁啲。必點主食莫過於Cannelloni，係一道較冷門嘅意大利菜式。手工蛋皮捲住啲肉醬然後拎去焗，蕃茄醬汁係非常濃厚，真心好食😋Lobster & potato本來以為薯仔做咗薯蓉，點知底下嘅係粟米醬泥，反而薯仔部分係切成薯粒，幾創意嘅配搭🦞
Gnocchi雖然偏油膩嘅一份主食，但係又幾特別，有別於一般嘅gnocchi。用蕃薯代替薯仔做成意式丸子，再將gnocchi煎，有啲似煎年糕帶啲微甜，口感煙煙韌韌🍠西蘭花苗同牛肝菌乾炒埋一齊嘅配搭看似九唔搭八，但又有恰到好處嘅和諧感🥦
可能我哋已經享用完前三碟偏濃味嘅主食，Ink Cavatelli就顯得偏淡口味，自家製貝殼粉的確煙靭，魷魚都新鮮，只係如果排第一道上嘅主食會更好。Red Snapper係fusion菜式，紅衫魚煎得夠香脆，配上XO醬基本上都唔會錯得去邊😆最後食埋tiramisu畫上完美句號，味道都唔錯，杏仁酒同朱古力粉味會較重🍫
Post
