Video
Read full review
2022-04-28
614 views
晚餐約左舊同事聚舊，揀左間泰越菜食。餐廳係上環站同西營盤站中間，我哋係西營盤行過去都好快，10分鐘內就到。餐廳雖然係馬路旁，但呢到唔多車經過，坐門口吧枱位仲好有街頭風味，唔好講咁多，叫返兩枝泰啤先啦🍻我都好鐘意佢用湖水綠做主色，望落好舒服！門口有隻餐廳吉祥物大象充氣公仔，十分奪目😆🐘 餐廳內有工業風，特別鍾意佢每張枱對上盞烏絲燈💡夜晚好有feel~ 牆上有自己畫的壁畫，好用心，色彩繽紛都幾可愛☺️🔸青芒果軟殼蟹沙律$98🥗青芒果絲入口酸甜爽脆，係唔少得既開胃菜，可中和一向偏濃味的泰國菜。青芒果絲中仲有鬆脆可口的花生同鹹香味豐富的蝦米仔，加上落左辣椒仔，個汁帶微辣，但又食食好過癮😋軟殼蟹都炸得酥脆，切開中間仲有啲蟹膏🤤🔸辣椒糕炒蜆$108叫左小辣，味道甜甜辣辣，炒得幾香。食起黎啲蜆都幾大隻，鮮甜厚肉，而且無沙👍🏻👍🏻🔸串燒沙爹$108一上枱已經覺得叫呢個無錯，6串串燒豬牛雞各2串，每串啲肉都大大舊！燒得幾好，仲保留到肉汁，唔會乾柴！最正係個沙嗲汁😍有花生粒，味道濃郁又唔辣😍🔸泰式海鮮冬陰公湯河$98💯超級推薦呢個冬陰公河粉，平時食泰國野我都必點冬陰公🧡店員話佢哋有冬陰公湯河，本身我哋諗住主
餐廳雖然係馬路旁，但呢到唔多車經過，坐門口吧枱位仲好有街頭風味，唔好講咁多，叫返兩枝泰啤先啦🍻我都好鐘意佢用湖水綠做主色，望落好舒服！門口有隻餐廳吉祥物大象充氣公仔，十分奪目😆🐘 
餐廳內有工業風，特別鍾意佢每張枱對上盞烏絲燈💡夜晚好有feel~ 牆上有自己畫的壁畫，好用心，色彩繽紛都幾可愛☺️
🔸青芒果軟殼蟹沙律$98🥗
青芒果絲入口酸甜爽脆，係唔少得既開胃菜，可中和一向偏濃味的泰國菜。青芒果絲中仲有鬆脆可口的花生同鹹香味豐富的蝦米仔，加上落左辣椒仔，個汁帶微辣，但又食食好過癮😋軟殼蟹都炸得酥脆，切開中間仲有啲蟹膏🤤
🔸辣椒糕炒蜆$108
叫左小辣，味道甜甜辣辣，炒得幾香。食起黎啲蜆都幾大隻，鮮甜厚肉，而且無沙👍🏻👍🏻
🔸串燒沙爹$108
一上枱已經覺得叫呢個無錯，6串串燒豬牛雞各2串，每串啲肉都大大舊！燒得幾好，仲保留到肉汁，唔會乾柴！最正係個沙嗲汁😍有花生粒，味道濃郁又唔辣😍
🔸泰式海鮮冬陰公湯河$98💯
超級推薦呢個冬陰公河粉，平時食泰國野我都必點冬陰公🧡店員話佢哋有冬陰公湯河，本身我哋諗住主食叫個Pad Thai，就轉左呢個。我哋成碗清晒，最後一啖湯都飲埋🤣幾樣嘢我都要讚佢‼️第一，湯底味道夠香濃，一路飲就知佢落足料，好多海鮮、菇、香料、蕃茄仔等等，酸酸辣辣，辣度適中，好啱香港人口味！第二，佢用咗粗身河粉，一片片，夾極都有，份量都夠兩個人share🍴海鮮方面有蜆、蝦、魷魚、蟹柳，好豐富😍
我哋主要叫左泰國野，佢仲有啲越式米紙卷，都好吸引😍雖然係小店，但食左幾樣野都好好味，價錢又合理，值得推介🥰
📍#CheckInThaiViet (#上環美食)
上環新街15-17號地舖
➡️𝗙𝗼𝗹𝗹𝗼𝘄左我未啊😚跟住我去飲飲食食😎
吃是真愛❤️ @eatistruelove.hk 🌟
Post
