Video
Read full review
2014-10-30
581 views
前個排係雜誌到見到上環開左間新既西餐廳，雜誌話呢間餐廳係＂上環新食力＂本身自己成日都係上環出沒，就去試下睇下有幾有食力。餐廳係蓮香居後面，係一棟藍色建築物入面，地址都算唔錯，幾易搵，所以比4個正佢。地點：正正正正一入到門面，見到佢既環境幾特別，樓下係Bar，用餐就要上去閣樓，好在既係既然有Lift係到，唔洗行樓梯，值得一讚既係雖然我唔係行樓梯，但樓梯既設計好靚，忍唔住影多幾張相。上去閣樓，環境寬敞，唔會好迫咁食得唔舒服。講左咁耐，係時候叫野食啦，今次一行兩人，叫左2個set lunch.首先黎一個頭盤，Ham配上蜜瓜，再加上沙律。Ham估計係Serrano Ham 配上蜜瓜真係正，估唔到係Lunch既時間都食到! 真係一個驚喜!食完個頭盤，就黎個湯濕下口，南瓜湯。個湯飲得出真係落足料，因為好有南瓜味同埋真係有南瓜蓉係入面。之後就到主角出場了，我地分別叫左一個Risotto同埋牛扒。本人好喜歡食Risotto，但搵到間好食既都唔易。呢個Risotto 真係好好食，飯既軟硬程度岩岩好，唔會太淋都唔會太硬，佢個汁都控制得岩岩好，食完唔會太過滯。賣相又唔錯。返到屋企zoom近睇，原來近睇個視覺
餐廳係蓮香居後面，係一棟藍色建築物入面，地址都算唔錯，幾易搵，所以比4個正佢。
地點：正正正正
一入到門面，見到佢既環境幾特別，樓下係Bar，用餐就要上去閣樓，好在既係既然有Lift係到，唔洗行樓梯，值得一讚既係雖然我唔係行樓梯，但樓梯既設計好靚，忍唔住影多幾張相。
上去閣樓，環境寬敞，唔會好迫咁食得唔舒服。講左咁耐，係時候叫野食啦，今次一行兩人，叫左2個set lunch.
首先黎一個頭盤，Ham配上蜜瓜，再加上沙律。Ham估計係Serrano Ham 配上蜜瓜真係正，估唔到係Lunch既時間都食到! 真係一個驚喜!
食完個頭盤，就黎個湯濕下口，南瓜湯。個湯飲得出真係落足料，因為好有南瓜味同埋真係有南瓜蓉係入面。
之後就到主角出場了，我地分別叫左一個Risotto同埋牛扒。本人好喜歡食Risotto，但搵到間好食既都唔易。
呢個Risotto 真係好好食，飯既軟硬程度岩岩好，唔會太淋都唔會太硬，佢個汁都控制得岩岩好，食完唔會太過滯。賣相又唔錯。返到屋企zoom近睇，原來近睇個視覺仲正。哈。
另外叫左一個牛，今次叫左5成，生熟程度都ok，肉質唔錯。Lunch 黎講，份量都唔錯，足以食到飽飽。
最後加多個甜品，上面有塊風乾既橙，賣相好吸引，影起相上黎都特別好，作為為食相機既我，又點少得影返張正相。
總結黎講，食物同環境都滿意！最緊要係坐得舒服！果然係上環新食力。下次可以試下食晚餐，應該都唔錯！
Post
