湯品 (Closed)

平時行過呢度都好想試下，因為好鐘意飲湯，但係次次都滿席，難得今晚可以食埋飯先返屋企，又有位，所以就入左黎試下！呢度配搭好多選擇，例如可以選湯品再加主食（面/飯），配料亦可以選多種，可按個人口味去制作自己既餐單~因為湯腔關係，所以揀湯品係必要的！<瑪卡燉湯$39 + 台灣鹽水意面$10>店內有介紹各種唔同湯品既營養價值，我就揀左瑪卡，因為可以抗疲勞。湯料好豐富，有紅蘿蔔絲，黑木耳絲，當然唔小得有瑪卡啦！燉湯唔肥膩， 而湯品食法係將湯注入面內一齊食，因為我未食過既關係，所以慢慢逐小將湯混合，發現原來注入至小覆蓋到個面既份量，係最入味，食到鹽水意面既果種鹽水味同湯既鮮甜，而面身爽滑，幼嫰得黎唔會好淋。<海蜇醉雞翼$18>好欣賞佢個醉雞汁，好濃蒜泥味道，再配合其他香料，酸酸甜甜而酒味不會過份刺鼻，海蜇選用最爽口既海蜇頭，微辣，開胃十分<花雕醉雞蛋$10>好小見既一個小食，花雕汁酸甜開胃，味道剛好但混合落蛋度就有點失色，因為只有蛋外層吸收到花雕汁既精華，反而令蛋既內層有點乏味<蘋果山楂蜜棗茶$10>山楂味十足，加埋蜜棗，清甜而解渴，