Video
Read full review
2021-08-27
79 views
星期五放工，想揾人傾吓偈輕鬆吓，就約咗朋友喺佢office附近嘅餐廳見面。餐廳喺上環，門外有一棵好大嘅橙色楓樹，掛滿閃燈都幾吸睛，仲有幾個戶外座位可供吸煙者使用。入到去面積唔算大，約可以坐20多人，雖然店面小小，但係裝修好雅緻，播放懷舊英文情歌，感覺好溫馨浪漫。餐廳有生蠔食， 原本想飲酒，因為如果order酒的話可以以特價$50食生蠔，不過朋友揸咗車，所以唯有散叫半打生蠔，再食啲小食，傾傾下又有少少肚餓，就食埋晚飯喇。我哋要咗美國中碼生蠔，算大隻，好creamy，帶少少海水味，$18 ／隻，一啲都唔貴。小食係匈牙利鵝肝多士，多士烘得好香脆，加上甘香鵝肝同少少意大利陳醋，好開胃。白酒忌廉煮藍貝， 藍貝即係青口，好新鮮，白酒味就唔多重，但忌廉好香滑，唔錯。黃金大蝦意粉，蝦雖然只係得兩隻，但size好大，最特別嘅係個意粉醬汁，creamy得嚟帶鹹香嘅咸蛋黃味，惹味得嚟竟然同啲忌廉汁好夾，中西合璧，啖啖意粉掛滿醬汁，令人非常滿足。法國燒原隻春雞，燒春雞好細隻，但勝在燒得皮脆肉嫩，一啲都唔乾，雞肉仍然好juicy， 最驚喜係薯條炸得唔油膩，連配菜都炒得好入味，我唔食椰菜嘅人都清埋碟。食完飲埋兩杯
餐廳喺上環，門外有一棵好大嘅橙色楓樹，掛滿閃燈都幾吸睛，仲有幾個戶外座位可供吸煙者使用。入到去面積唔算大，約可以坐20多人，雖然店面小小，但係裝修好雅緻，播放懷舊英文情歌，感覺好溫馨浪漫。
餐廳有生蠔食， 原本想飲酒，因為如果order酒的話可以以特價$50食生蠔，不過朋友揸咗車，所以唯有散叫半打生蠔，再食啲小食，傾傾下又有少少肚餓，就食埋晚飯喇。
我哋要咗美國中碼生蠔，算大隻，好creamy，帶少少海水味，$18 ／隻，一啲都唔貴。
小食係匈牙利鵝肝多士，多士烘得好香脆，加上甘香鵝肝同少少意大利陳醋，好開胃。
白酒忌廉煮藍貝， 藍貝即係青口，好新鮮，白酒味就唔多重，但忌廉好香滑，唔錯。
黃金大蝦意粉，蝦雖然只係得兩隻，但size好大，最特別嘅係個意粉醬汁，creamy得嚟帶鹹香嘅咸蛋黃味，惹味得嚟竟然同啲忌廉汁好夾，中西合璧，啖啖意粉掛滿醬汁，令人非常滿足。
法國燒原隻春雞，燒春雞好細隻，但勝在燒得皮脆肉嫩，一啲都唔乾，雞肉仍然好juicy， 最驚喜係薯條炸得唔油膩，連配菜都炒得好入味，我唔食椰菜嘅人都清埋碟。
食完飲埋兩杯香濃嘅咖啡，仲可以静静地傾下偈，令到我呢個約會好圓滿。
Post
