Video
Read full review
2018-09-28
1748 views
睇緊上環有咩食時發現咗哩間斯里蘭卡菜，由於我地都未試過哩個菜系，於是就走咗入去挑戰吓啦~去到見到個menu一臉茫然，完全唔知邊樣打邊樣，於是我地就搵咗店員(後尾發現係老闆娘)嚟介紹吓啲菜式。簡單嚟講，佢地有蒸米粉、薄餅、炒薄餅三款主食，再配雞/牛/扁豆/紅菜頭做嘅咖哩。當然仲有其他小食可以揀。我地就叫咗以下兩款嚟食。 🐔String Hoppers with Chicken Red Curry 蒸米粉配紅咖哩雞 $80雖然老闆話佢地嘅菜式都稍稍調整過辣度，以符合番港人嘅口味。不過我地三個本身都唔係好食得辣，都係唔係好頂得順 XD 蒸米粉有四塊，就咁食係真係完全冇味的，配上咖哩汁就即刻惹味番晒。咖哩雞嘅雞肉唔係走嫩滑路線，不過就唔會話太鞋口，入口又OK的。 🐮Kottu with Beef Curry 炒薄餅配咖哩牛肉 $90我地一致認為咖哩牛肉較咖哩雞好食，一嚟冇咁辣，二嚟佢好似入味啲。不過啲牛同雞一樣，唔係走嫩滑路線，但都唔會鞋口，入口都OK的。另外，個炒薄餅配上各樣蔬菜、蛋等配料，食落口感有啲似蛋餅/薄罉，好得意，我地非常推介。 🥛Soursop Juice $30我地當中有人去
去到見到個menu一臉茫然，完全唔知邊樣打邊樣，於是我地就搵咗店員(後尾發現係老闆娘)嚟介紹吓啲菜式。簡單嚟講，佢地有蒸米粉、薄餅、炒薄餅三款主食，再配雞/牛/扁豆/紅菜頭做嘅咖哩。當然仲有其他小食可以揀。我地就叫咗以下兩款嚟食。
🐔String Hoppers with Chicken Red Curry 蒸米粉配紅咖哩雞 $80
String Hoppers with Chicken Red Curry 蒸米粉配紅咖哩雞
$80
216 views
1 likes
0 comments
雖然老闆話佢地嘅菜式都稍稍調整過辣度，以符合番港人嘅口味。不過我地三個本身都唔係好食得辣，都係唔係好頂得順 XD 蒸米粉有四塊，就咁食係真係完全冇味的，配上咖哩汁就即刻惹味番晒。咖哩雞嘅雞肉唔係走嫩滑路線，不過就唔會話太鞋口，入口又OK的。
🐮Kottu with Beef Curry 炒薄餅配咖哩牛肉 $90
Kottu with Beef Curry 炒薄餅配咖哩牛肉
$90
245 views
0 likes
0 comments
我地一致認為咖哩牛肉較咖哩雞好食，一嚟冇咁辣，二嚟佢好似入味啲。不過啲牛同雞一樣，唔係走嫩滑路線，但都唔會鞋口，入口都OK的。另外，個炒薄餅配上各樣蔬菜、蛋等配料，食落口感有啲似蛋餅/薄罉，好得意，我地非常推介。
🥛Soursop Juice $30
我地當中有人去印尼時飲過哩種飲品，話好味，所以決定都叫杯嚟飲吓 (順手解吓辣)。後來google咗吓到底哩粒係咩生果，原來佢叫「刺果番荔枝」，又名「紅毛榴槤」(唔關榴槤事)，反正就係熱帶特色水果。飲落口酸酸甜甜，有少少似乳酪，好解辣，簡直係救咗我地一命 XD
總括嚟講，如果我地唔係咁唔食得辣，我地會好鍾意哩間餐廳嘅食物。食得辣嘅人記得去食吓！
Post
