醋娘子 (Closed)

有一晚行完Topshop搭叮叮去上環食飯，因為中環無野食。夜晚9點幾好多食肆已經收哂，淨返哩間醋娘子，所以都幾多人食。食店小小，價錢唔貴。樓上舖有舊時香港既感覺。好肚餓快快手點菜，有雲吞雞，棒棒雞絲冷麵，醉雞，再加個小籠包。小籠包唔算皮薄但餡靚，但塊皮都你好好味既，完全無厚既感覺。咁仲好，無咁易一夾就穿。雲吞雞非常推介！雞肉好嫩，湯都幾濃味好好像，但如果想食清清地雞湯既人就未必鍾意喇。棒棒雞絲冷麵配麻醬非常好味，佢既麻醬比一般杰身，甜度適中。熱喇喇既天氣食碗冷麵實在非常正！反而醉雞既肉質就無雲吞雞咁滑，但滿滿酒香仍然不錯。