興記咖啡室

Open Now

Now Closed

興記門面係一間相當普通嘅茶餐廳，實際上係一間賣神級西多士嘅茶記！聽講豬潤麵都唔錯架，下次可以再食。*西多士 $27興記西多士係非傳統嘅西多士，整整一吋厚嘅方包，唔夾餡唔搽花生醬，直接沾純蛋漿，煎到金黃煎脆。自切厚方包西多士內裡保持鬆軟，切成圓角保證煎完冇燶邊，採用煎嘅方法令西多士唔油膩，又自帶牛油香。純蛋漿令西多士食落有蛋香，配海量煉奶+少許牛油，奶香十足，甜而不膩。熱奶茶 $15茶香奶香各50/50，入口順滑、唔會涸喉，個我個人嚟講茶味未夠濃。