Zecond (Closed)

近期大熱放假節目之一，當然係去返間Cafe，享受愜意嘅每一分每一秒🤪今次來訪嘅係Zecond，位於上環內街嘅一間Cafe☕️踏入12月嘅假日月份，門口已換上聖誕節裝飾，頗有節日氣氛🎄☃️貴精不貴多，每一樣都好吸引！是日鮮製濃湯 - 牛肝菌蘑菇濃湯餐湯每日唔同款式，顯得餐廳對待每個環節一啲都唔馬虎👍今日餐湯係近年相當流行嘅牛肝菌蘑菇濃湯，味道香濃，質感幼滑，係我個人好鍾意嘅濃稠度😃香烤煙燻鴨胸  ($138)煙燻鴨胸處理得相當出色，鴨皮焦香，油香味十足😝唔少媒體指出鴨胸肉本身相對其他肉類比較低脂，進食時候嘅罪惡感比較低啲😁伴碟有一件蔬菜薯餅，薯蓉配上西蘭花、韭蔥、洋蔥、芝士，簡單得嚟又好味😋海膽醬蟹肉牛油果意大利麵 ($158)聽個名都知相當架勢，將幾項大熱食材混為一碟煮成意粉🍝海膽醬，配上鮮嫩蟹肉，撈埋幼滑嘅牛油果蓉，完全發揮到每樣食材嘅特色😀Caffe Latte唔講咁多，放假當然要嘆返一杯Caffe Latte☕️優雅花茶(橘子)平時比較少飲橘子味嘅花茶，今次正好有機會可以一試，酸酸地好開胃😜一如標題所講，店舖係走簡約清新路線，有唔少打卡位俾食客影靚相📸