Video
Read full review
2022-07-24
43 views
[ La Casa Burger & Pasta ]平時食開連鎖店burger，朋友介紹咗間係上環嘅小店專食特色burger，行完中環街市過嚟試吓，行幾分鐘就到🤣✿ 西冷黑松露水牛芝士漢堡 🐮🍔$89平時食開嘅burger係漢堡扒，呢個burger用上薄切西冷牛肉，口感同漢堡扒唔同，咬落比較實在，而且牛肉份量都唔少。半溶嘅水牛芝士多到流出嚟🤪 蔬菜方面有生菜&青瓜，burger食落唔會油膩。✿ 香蒜大蝦橄欖油意粉 🦐🍝$78除咗burger，餐廳仲有供應意粉&通心粉。一於試埋佢啲意粉。上菜已經聞到橄欖油爆香蒜蓉嘅香味。但意粉份量可以多少少🤏🏻，烹煮時間啱啱好，煙韌而有咬口。蝦肉已去殼，爽口彈牙。✿ 脆脆洋蔥圈 🧅 $28 （跟餐 $18）呢個係新推出，食落好香口，啱啱新鮮炸起。再點埋茄汁食，好味😋✿ 朱古力雪糕奶昔 🍫🥤🥤$45 (跟餐+$25)嘢飲甜度適中，朱古力味濃，面頭加埋忌廉好飽肚😝總結🫦鋪頭門面好搶眼，餐廳內裝修擺設都幾有美式風格🤣 上環嚟講食物價錢都親民，適合中上環返工lunch食，中意食burger都可以去試下。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿La C
平時食開連鎖店burger，朋友介紹咗間係上環嘅小店專食特色burger，行完中環街市過嚟試吓，行幾分鐘就到🤣
✿ 西冷黑松露水牛芝士漢堡 🐮🍔$89
平時食開嘅burger係漢堡扒，呢個burger用上薄切西冷牛肉，口感同漢堡扒唔同，咬落比較實在，而且牛肉份量都唔少。半溶嘅水牛芝士多到流出嚟🤪 蔬菜方面有生菜&青瓜，burger食落唔會油膩。
✿ 香蒜大蝦橄欖油意粉 🦐🍝$78
除咗burger，餐廳仲有供應意粉&通心粉。一於試埋佢啲意粉。
上菜已經聞到橄欖油爆香蒜蓉嘅香味。但意粉份量可以多少少🤏🏻，烹煮時間啱啱好，煙韌而有咬口。蝦肉已去殼，爽口彈牙。
✿ 脆脆洋蔥圈 🧅 $28 （跟餐 $18）
呢個係新推出，食落好香口，啱啱新鮮炸起。再點埋茄汁食，好味😋
✿ 朱古力雪糕奶昔 🍫🥤🥤$45 (跟餐+$25)
嘢飲甜度適中，朱古力味濃，面頭加埋忌廉好飽肚😝
總結🫦
鋪頭門面好搶眼，餐廳內裝修擺設都幾有美式風格🤣 上環嚟講食物價錢都親民，適合中上環返工lunch食，中意食burger都可以去試下。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
La Casa Burger & Pasta
地址：上環文咸東街2號地舖
電話：25050555
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Post
