Video
Read full review
2020-08-15
1790 views
星期六我哋去咗上環覓食，經過餐廳留意到佢門口嘅玻璃貼紙，於是就入去試下。不過店員話廚房停咗要三點先再開🙈，所以唯有行過圈再返嚟。果然過多陣就有得食，我哋選擇咗坐喺望街景嘅吧枱位，但打卡📸嘅代價就係無入面座位咁涼冷氣...。餐廳係半自助形式，諗好咗食乜再去收銀處落單，唔駛收加一服務費😊。另外，餐具亦係自己拎。食物方面，餐廳主打咖啡同輕食，如小食、沙律同牛角包等；同時意粉都有幾款揀。蟹膏忌廉蟹肉意粉🍝($98)，店員本身話蟹肉無哂要轉煙三文魚，但原來仲有最後一份😛。意粉賣相唔錯，份量幾多，我最欣賞係意粉煮得夠彈牙。但醬汁方面，我略嫌淡咗少少，可以Creamy啲；🦀蟹肉OK，惟蟹膏味唔夠香。巴瑪火腿芝士牛角包配黑醋沙律菜🥐($48)，睇圖以為好大，其實只係正常大小哈哈。牛角包嘅Parma Ham🥓幾好食，而牛角包本身個皮嘅質感偏硬、似餅乾，而唔係一層層、好酥嗰種，不過都夠脆嘅。飲品方面，由於餐牌張圖好吸引嘅關係，我哋叫咗🍑白桃有氣梳打($58)同🍇巨峰提子有氣梳打($58)，其中一杯因為有嗌到牛角包，所以有得以半價加配。兩杯梳打都好大杯，味道唔太甜、幾清新，而上面嘅忌廉其實唔落仲好，但為及造
星期六我哋去咗上環覓食，經過餐廳留意到佢門口嘅玻璃貼紙，於是就入去試下。不過店員話廚房停咗要三點先再開🙈，所以唯有行過圈再返嚟。
果然過多陣就有得食，我哋選擇咗坐喺望街景嘅吧枱位，但打卡📸嘅代價就係無入面座位咁涼冷氣...。
餐廳係半自助形式，諗好咗食乜再去收銀處落單，唔駛收加一服務費😊。另外，餐具亦係自己拎。食物方面，餐廳主打咖啡同輕食，如小食、沙律同牛角包等；同時意粉都有幾款揀。
蟹膏忌廉蟹肉意粉🍝($98)，店員本身話蟹肉無哂要轉煙三文魚，但原來仲有最後一份😛。意粉賣相唔錯，份量幾多，我最欣賞係意粉煮得夠彈牙。但醬汁方面，我略嫌淡咗少少，可以Creamy啲；🦀蟹肉OK，惟蟹膏味唔夠香。
巴瑪火腿芝士牛角包配黑醋沙律菜🥐($48)，睇圖以為好大，其實只係正常大小哈哈。牛角包嘅Parma Ham🥓幾好食，而牛角包本身個皮嘅質感偏硬、似餅乾，而唔係一層層、好酥嗰種，不過都夠脆嘅。
飲品方面，由於餐牌張圖好吸引嘅關係，我哋叫咗🍑白桃有氣梳打($58)同🍇巨峰提子有氣梳打($58)，其中一杯因為有嗌到牛角包，所以有得以半價加配。兩杯梳打都好大杯，味道唔太甜、幾清新，而上面嘅忌廉其實唔落仲好，但為及造型無計；最可愛係隻🐱貓貓羹仔。
星期六可以咁悠閑坐下真係好Chill呢😚，但如果太晏，食物可能賣哂，就好似我哋食完嘅時候聽到牛角包已經售罄了。
橫睇掂睇都知餐廳係一間撐香港人嘅小店啦💛。
總括嚟講，行經蘇杭街的話都可以到小店一試，下午茶餐同小食類價格較為相宜啊👍。
Post
