Crafty Cow (Closed)

上星期放假，同男朋友行完PMQ，行吓行下俾呢間餐廳既裝修吸引左，入到去全部都係外國人，個個都一人一支啤酒，應該係以飲嘢為主嘅餐廳，有啲小食同burger咁。👍呢間餐廳環境既環境同食物質素度都好高，下次經過會再嚟食！我哋叫咗兩支特色啤酒，一支係由七種不同植物釀成嘅美國 啤酒，7.77%酒精入口輕微苦澀，適合男士飲用，因比較重口味！👍👍食物方面， side dish薯條亦炸得香脆，分量亦十足！叫咗一個牛油果沙律同一個軟殼蟹burger，牛油果沙律略嫌細分左少少，不過牛油果配番茄呢個配搭非常好，好清新！軟殼蟹burger原隻軟殼蟹上，再加啲泡菜係中間，鬆脆再加上些少微辣，係一個fusion既burger。另外一支係英國嘅香蕉麵包味啤酒，個人最鍾意呢支，未入口前已嗅到淡淡的香蕉香味，飲落有大麥同香蕉甜味，非常易入口。