Moon Thai (Closed)

Moon Thai 位於上環蘇豪智選假日酒店內，但價錢非常親民貼地，由前泰皇御廚團隊主理，攞過米芝蓮推薦及一些比賽大獎，食物水準有保證👍🏻泰式生蝦($178)生蝦非常新鮮，口感爽嫩，泰式辣醬辣得過癮，同苦瓜片一齊食恰好解解辣！椰汁雞湯($58)椰汁雞湯好足料，入面雞肉仲多過湯！雞肉好嫩滑，湯頭椰味香濃，如果香料味重多少少就更香啦！冬陰功湯($58)酸、辣、鮮都好平衡，入面有大量菇菌同兩隻大蝦，新鮮彈牙，而且加入許多香料，如:九層塔、香茅去提升食物香味，好飲！火辣泰式火山排骨($138)上個月去泰國冇去到夜市食火山排骨，估唔到呢度都有得食！排骨燉煮至軟腍，難得嘅係肉質完全唔嚡，排骨上搽咗嘅綠色辣醬係highlight ，辣得過癮惹味！咖喱炒軟殼蟹麵包($188)$200都唔使，勁大份！麵包內材料豐富，軟殼蟹份量慷慨，入面仲有蛋、洋蔥同其他蔬菜，非常足料！咖喱帶有淡淡辛香，反而蔬菜嘅香甜味比較突出，平衡返唔會太辣！麵包外脆內鬆軟，蘸上濃郁嘅咖喱，非常滋味！甜品拼盤($68)呢個拼盤真係不得了，有南瓜布甸、千層糕同椰汁西米糕！千層糕勁好食，口感軟糯，充滿斑蘭香！南瓜布甸口感細滑，西米糕椰汁香