殤城逆流 (Closed)

Bookmark左呢間黃店好耐，今次終於同男朋友去試，野食又平又好味，影相仲幾靚🥰❀法式頂級牛肩❀有兩塊岩哂同人share，牛肩煎到七成熟，肉質軟腍，牛味濃兼有油脂香。晚市配菜分別有薯條、薯蓉及沙律，都係任食既，好抵食。當中我大推薯條，新鮮即炸好香脆。薯蓉就份量十足，口感綿密。❀法式烤鴨胸❀食過最好食既鴨胸，肉質嫩滑多汁，有少少煙燻味，配上醬汁食落甜甜地咁。❀招牌蛋糕❀檸檬撻賣相幾吸晴，有花瓣鋪面，望落色彩繽紛，食落酸酸甜甜，好清新。❀簡．愛❀玫瑰肉桂Mocha，飲落幾香醇，帶有玫瑰香味。❀大亨小傳❀用紅糖、肉桂及五香粉沖調，朱古力味濃郁，香料令味道幾有層次，好好飲。