添飯餸

Open Now

Now Closed

今日十二點路過蘇杭街見到呢間雙餸飯店舖門口大排長龍，心諗應該都有啲口碑掛，即管買個雙餸飯試下。門口櫥窗大大張 poster寫滿各類飯餸，圖文並茂，大大隻字寫住招牌雙餸飯只係30元，見佢有兩個餸好啱食兼且寫明係金漆招牌，諗都唔諗就決定叫呢兩款呢兩款餸就係梅菜扣肉同豉汁涼瓜牛肉，梅菜扣肉有兩大塊五花肉加少許梅菜，五花肉唔會太肥，炆得夠淋，味道啱啱好，唔會話好鹹，豉汁涼瓜牛肉，好惹味，涼瓜有少少甘味，配牛肉就係絕配。終於明白點解會有咁多人排隊幫襯！