木子園 (Closed)

#fatchubelly 中環📍木子園 the muzi 位於上環站E出口，五分鐘內就到達，地點十分方便。餐廳空間感十足，裝修好有心思，粉紅色的大樹，好有情調。💥洋甘菊先來一壺十分清新的洋甘菊，花香濃而不俗。除了花茶還有其他傳統茶葉，無論係同長輩定係好姊妹一齊嚟都一定揀到合適的茶。💥紹興酒槽醉雞只要輕輕一浸入酒，酒香滿滿的醉雞真係好入味，作為前菜，真係冇得輸。雞肉肉質鮮嫩，洒香同肉香搭配得剛好。醉雞將會是我下次來的必點前菜👍💥醬爆核桃雞丁前菜的醉雞咁出色，當然唔可以俾佢停，主菜揀了醬爆核桃雞丁，爆香過的核桃，仍然保留核桃原味又不失脆口，加上菜式的醬料味道，令核桃添上煥然一新的口味。雞丁仍然嫩滑，少少核桃香加醬料的味道，令雞丁不再平凡。💥灌湯小籠包新鮮出爐，香噴噴的小籠包，加上浸有薑絲的醋，十分開胃。小包內的湯和肉比例剛好，整個小籠包放入口，好有滿足感。💥櫻花蝦海鮮炒飯炒飯賣相吸引，飯粒分明、香軟，夠乾身。櫻花蝦的香味非常出眾，鮮蝦用料上乘，同炒飯好夾。💥生磨蛋白杏仁茶口感細膩順滑，杏仁味濃郁，甜度剛好，蛋白的加入令口感更豐富。