LeeLaksa

Open Now

Now Closed

過年食咗唔少中菜，呢日想簡簡得得食下comfort food，於是乎決定食下久違既新加坡菜。兩個人叫咗海南雞飯，喇沙同埋青蘋果牛油果沙律。李派海南雞飯（$88）- 雞唔算太肥，入口嫩滑，點埋啲醬料好味呀。另外好鍾意佢嘅油飯，入口比較乾身，唔會肥淋淋。上菜連甜豉油、辣醬同薑蓉，個人覺得點甜豉油同薑蓉都好好味。新加坡喇沙（$82）- 好夠味，特別要讚賞下佢嘅喇沙，入口好滑，浸耐啲食都保持煙韌，唔會淋晒。材料簡簡單單，有必食，勁入味嘅豆卜，蝦，魚蛋同埋糖心蛋，夾埋個湯底食，好香口惹味。牛油果青蘋果沙律（$75）- 好清新健康嘅一個沙律，青蘋果同牛油果份量多，另外仲有合桃，加埋少少醬汁，味道唔錯。熱香茅青檸蜜（$28）- 青檸配淡淡嘅香茅味，冬天飲真係一流。環境裝修都舒服企理，特別要讚一讚餐廳上菜速度好快。食飯途中都見有唔少外賣單，食物質素唔錯。