V Court (Closed)

之前聽朋友介紹, 知道上環新紀元廣場開左間高級的Food Court, 提供多國菜式, 當中以西餐最為出色。今日趁同老婆都收早, 6點左右就去到試一試。😙餐廳名叫V Court, 位於新紀元廣場2樓, 地方非常寬敞, 樓底高, 加上簡約而時尚的裝修設計, 感覺比較似一間高級西餐廳。由於未到晚市繁忙時間, 所以客人唔多, 我地點左一份豬鞍同一份西冷牛扒share, 套餐包括餐湯薯蓉同小食, 應該夠食。😁南瓜忌廉濃湯是日餐湯南瓜忌廉濃湯南瓜味非常濃郁, 口感綿滑, 加上少少果仁碎加強口感, 非常出色。👍串燒雞肉跟餐配的沙律今日轉左做串燒雞肉, 而且每人有兩串, 味道唔錯。煙肉焗青口 $12套餐+$12可加配小食, 呢款煙肉焗青口芝士味濃, 青口肉質鮮甜, 非常抵食。👍熊本雪花西冷 $108熊本雪花西冷賣相很吸引, 西冷肉質鮮嫩, 牛肉味濃, 薯蓉份量好多, 烤製的配菜都非常高質。👍黑毛豬鞍 $128豬鞍熟度剛剛好, 肉質彈牙多汁, 黑毛豬肉味非常濃, $128呢個套餐相當超值。Bless 冷壓蘋果汁 $26Bless 菠蘿茉莉茶 $24埋單每位$150有找, 性價比超高。👍