Video
Read full review
2021-07-02
622 views
🌟中上環出左名多cafe同bar，今日帶左個中意咖啡既朋友去chill下，relax下，順便打下卡甘。今次我地黎到上環巴甸街附近一間小店，去拜訪一下好特別既coffee cocktail，順便試下其他menu。店鋪唔太顯眼，我地唔小心行過左，但其實佢位置都好易揾，出面仲有一張好chill既bar枱，中意戶外既朋友都可以坐系出面位置chill下，打卡一流。入面既環境好舒服🥰，播放住輕鬆柔和既音樂🎶，氣氛好relax，老闆都好nice同friendly，用心推介同幫我地挑選適合我地既咖啡。品嘗一杯咖啡，休閒舒適，同老闆友人閒談，系個好享受既下午，仲認識到有關於咖啡既故事同知識，結果我地唔小心坐耐左🙈希望老闆唔好介意。原來佢地系從自家品牌既咖啡豆 @cottonmutton 開始做起，到今年年頭先開始系中環開立第一間實體店，難怪老闆，店員對與咖啡豆系甘熟悉，可以自己調配。🤣唔好意思，講得太多，即刻黎分享下今次既咖啡之旅！1️⃣ 第一站：Latte☕️🥛相信老闆為左我地岩岩先開始既旅程可以輕鬆甘開始，就揀左我地最熟悉既Latte 比我地試下。第一眼望，拉花好靚，奶泡好幼滑。奶香濃郁，調和到Espre
今次我地黎到上環巴甸街附近一間小店，去拜訪一下好特別既coffee cocktail，順便試下其他menu。店鋪唔太顯眼，我地唔小心行過左，但其實佢位置都好易揾，出面仲有一張好chill既bar枱，中意戶外既朋友都可以坐系出面位置chill下，打卡一流。
入面既環境好舒服🥰，播放住輕鬆柔和既音樂🎶，氣氛好relax，老闆都好nice同friendly，用心推介同幫我地挑選適合我地既咖啡。品嘗一杯咖啡，休閒舒適，同老闆友人閒談，系個好享受既下午，仲認識到有關於咖啡既故事同知識，結果我地唔小心坐耐左🙈希望老闆唔好介意。
原來佢地系從自家品牌既咖啡豆 @cottonmutton 開始做起，到今年年頭先開始系中環開立第一間實體店，難怪老闆，店員對與咖啡豆系甘熟悉，可以自己調配。
🤣唔好意思，講得太多，即刻黎分享下今次既咖啡之旅！
1️⃣ 第一站：Latte☕️🥛
相信老闆為左我地岩岩先開始既旅程可以輕鬆甘開始，就揀左我地最熟悉既Latte 比我地試下。第一眼望，拉花好靚，奶泡好幼滑。奶香濃郁，調和到Espresso既味道，口味口感更加溫和，溫順。系一杯好出色既 Latte，建議系10-15mins 內都要飲完，老闆提醒其實奶泡擺唔到甘耐。真系覺得好抱歉，因為我地港女打卡，搞到未飲曬奶泡已經開始消散，浪費左老闆既心機。我好中意尼杯Latte，中意奶味既朋友建議都可以試下。
2️⃣ 第二站：Pour Over Coffee - Ethiopia ☕️
平時屋企懶，都好少會自己手沖咖啡，今次就試下佢地既手沖咖啡。佢地都有好多款咖啡豆可以試下，打開包裝一聞，除左有咖啡豆炒過既香，仲有一陣茉莉花香味，我都唔小心聞完一次又一次，真系會上癮。老闆話佢地主打淺炒烘焙為主既咖啡豆，比較乾淨無雜味，想凸顯佢既清香，以及除左咖啡以外既其他味道。的確，聞落除左有清新既咖啡香，仲有果香同花香味。有少少好似飲緊花茶水果茶甘，但又有咖啡既元素。尼個比較適合想接觸多d齋啡既朋友，但又唔想突然甘濃烈。
3️⃣ 第三站：Pour Over Coffee - Panama ☕️
同樣系手沖咖啡，但用唔同既咖啡豆都又有唔同既感受。尼款咖啡豆聞落有多陣cream味，又系好令我上癮。友人比較中意尼款手沖咖啡，因為佢飲開齋啡，佢中意尼款味道比較豐富，咖啡味比較重。系手沖之後聞落就好似無左陣cream味，但系就多左陣少少辣辣地、紅酒般既香味。飲完之後，口腔仲隬漫住一種甘香。
4️⃣ 第四站：Coffee Cocktail - Coffee Plum Highball 🍸☕️
黎到第四站，亦系我地最中意，最有驚喜既一站。第一次品嘗到 coffee cocktail。平時大家飲梅酒就飲得多啦，唔知大家想唔想象到梅酒配搭cold brew 會系點既味道？味道令我地都好驚喜，原來系甘和諧。不過就好似玩緊個味覺遊戲甘，一入口，短短既choco香，再黎 -- 梅酒清甜味先出，咖啡香就開始系中後段再散發出黎，跟住佢地再融合埋一齊，尼個時候你會懷疑，究竟我飲緊梅酒？定系咖啡？最後，咖啡香味系口腔繼續醞釀。好似一首好完整既歌曲甘。
🌟另外我地亦都單飲過cold brew，特別凸顯到淺炒既咖啡豆原始既風味，口感好乾淨清新清涼，好順滑無雜質，好舒服，透心涼🥰！
尼款建議大家真系可以試下！
🌟整體感受度：9.5/10
尼間店鋪無法用分數去比評。除左真系去飲一杯咖啡，更加系享受一杯咖啡，佢既環境，氣氛，尼度既咖啡師，系一個人生體驗。睇得出，感受到老闆對咖啡既熱情同喜愛。希望大家都可以支持下本地小店既用心。❤️💕
🌟老闆仲同我地分享左佢地店名既由來，系出自咖啡既起源。系好耐之前，有一位牧羊人，睇到一隻羊食完一種紅色果實之後，變得特別興奮，於是，佢都好奇去試下，佢發現食完之後都變到好精神，於是就慢慢被大家當成系提神草藥。由自己咖啡豆品牌 @cottonmutton 到 實體咖啡店 @shepherdcoffeebar 就系好似由一隻羊咩進化成長到一位牧羊人 既故事。
Post
