il Bel Paese (皇后大道中) (Closed)

中上環區特別多各國美食，呢間位於上環皇后大道中嘅il Bel Paese 主打各款意大利菜，店內兼營grocery 同時亦有售賣意大利紅酒🍷 芝士🧀火腿🍖同埋各款意大利嘅食材～即係你食完嘢買返屋企煮都仲可以😌店內所有店員都係外籍人士，服務態度好好。餐廳亦都氣氛休閒。有午餐Menu提供，價錢都係百幾蚊非常合理～餐前麵包好香脆又夠熱，配搭油醋汁，忍唔住全部食晒！caprese $138前菜選擇左呢個水牛芝士配意大利蕃茄，份量都好多，仲有橄欖油同埋basil，芝士好厚切有啲煙靭，口感同味道都唔錯。Rigatoni Nduja$168香濃茄汁配上粗管意粉，入面仲有一隻好特別嘅香腸，肉質口感緊實，有啲似肉丸咁，味道好香濃。Branzino alla Mediterranea鱸魚肉質鮮嫩，配上大量蕃茄白酒味醬汁，充滿意式風味！Tiramisü呢度嘅甜品真係好出色，呢度嘅tiramisu簡直係全香港最好食，咖啡味好出，口感一流。Mix berries smoothies混合多種莓果及乳酪新鮮打成，口感清爽，唔會太甜。