貴緣小鍋米線 (崇潔街) (Closed)

紅磡多美食就個個都知，估吾到今次發掘到一間細店，又平又好味嘅米線🍜🍅鮮茄小鍋米線鮮茄湯底控嘅我，當然吾會放過試下嘅機會，有驚喜地個湯底味道好濃好香，好收貨，餸方面就叫左冬菇皇，豬軟骨同肥牛。冬菇皇勁大舊，比好多外間嘅米線都大好多，超厚身，好入味，質感好淋，而豬軟骨一啲都吾硬，軟骨好爽口，大塊👍最後肥牛塊塊都好薄身，易入口，一啲都吾韌加一蚊就可以加葱，所以見到碗米線好多葱😂都好正✨酸辣小鍋紅薯粉另一個選左推介嘅酸辣湯底，有得選辣度，選左少辣所以酸度會較多，令到辣度都岩岩好。配料選左螺旋藻，蘿蔔同雞肉絲，螺旋藻同雞肉絲都係人氣之選，都好多份量😂 吾怕食吾夠，螺旋藻好薄好軟身，雞絲放入湯完全索哂味道，細細舊更易入口，最後蘿蔔方面，味道清甜多汁👍❤️小食:蒜泥白肉：屬於偏麻辣嘅味道，肉質非常嫩滑，塊塊都薄，肥瘦都均勻💜皮蛋豆腐：冷凍小食 ，豆腐吾會太易碎，入口帶點微辣 ，口感亦很滑，非常開胃