名廚

Open Now

Now Closed

香港中央圖書館近天橋位有間粵菜專門店-《名廚》。這食店只做包廳客，適合私人飯局，私隱度極高，空間感好舒服，侍應招呼好週到，不時入房斟茶換碟等。沙薑豬手~呢個前菜都做得唔錯，沙薑豬手夠爽滑，輕輕鋪上薑蓉，更覺美味。龍皇藏金衣~廚師將酸菜魚嘅神髓發揮在龍蝦伊麵上，fusion菜感覺強烈，keep住龍蝦伊麵嘅香味，亦有酸菜魚水晶粉嘅味道，少少酸少少辣，當然，龍蝦件件可口啖啖肉，正！醬爆鮑魚雞煲~ 熱辣辣煲仔上，勁大隻鮑魚切粒，雞球炒得勁香口，加入蔥頭更惹味。横行抱玉~蟹蒸肉餅， 肉餅本身有馬蹄，入口軟淋也爽口，蟹肉鮮甜，呢個季節啱食。大澳蝦膏蒸豬肉筋~用蝦膏蒸豬肉確實唔錯，呢個豬肉筋有口感得嚟唔會韌， 下面放上了貌似豆卜炸過嘅腐皮麵，索滿汁配白飯更理想。雙色芥蘭煲~繼續煲仔上，熱辣辣吱吱聲響，嫩綠芥蘭，仲有炸得香脆嘅紫菜，加入少少肉鬆非常惹味。西洋菜煲豬肺~這個老火湯西洋菜香味濃郁，豬肉煲得好淋，食落好香。香墊粢飯~這個第一次食， 香脆可口，幾特別。冬蓉薏米露~呢個甜品都好少吃到，冬瓜配薏米，最啱清熱去濕，食埋甜品為這頓美食畫上完美 的句號。