茶餐廳2.0 (Closed)

呢間茶餐廳真係幾受歡迎，次次去都見到長長既人龍，好奇之下就去試，睇下係咪真係咁值得一等🙈雖然人多，但員工服務態度幾好，有個好熱情，仲推介我試下杯桃膠特飲.不過上菜方面算偏慢，每道菜都等左10-15分鐘左右，好在餐湯上得快，可以飲一飲先🤤.1. 馬來咖哩牛腩農夫包配薯菜 $68 7/10咖哩偏辣，食得辣既人可以試下，佢d牛腩炆得夠腍，配埋薯角同埋少量蔬菜，岩哂午餐時段輕食，如果怕唔夠飽，都可以選飯/意粉，不過佢上漏個農夫包比我🙁.2. 瑞士汁雞脾配田園雜果沙律 $58 6.5/10隻瑞士汁雞脾炸得有點過耐，雜果沙律就一般茶記味道，整體十分普通