Video
Read full review
2015-05-15
777 views
原本無openrice acc, 但食完條氣唔順!要開acc黎寫邊個食評!之前有食過同一個舖位既放題，黎到先知道轉左名或易手。之前都不錯，所以都放心再黎食過。點知一黎到就見到好多人係門口等位，仲要好多人都好燥底了。而舖頭裏面都坐滿人，侍應好忙。擾攘左一陣，入去坐低就急不及待寫左幾張紙啦，款式無乜特別。 等左一陣，刺身就上啦，味道ok,都ok新鮮，就寫第二張刺身。於是者又等左一陣，再黎既都係刺身。熱食上菜速度好慢，本身以為自己錯覺，但當聽到周圍唔同枱話要買M記，食飽一半係咪可以比一半錢，d野叫左好耐都未黎……等等既說話，就知今次真係中伏了！d食客係咁催d侍應都無用。咁我地就落力d寫多幾張單，不過完全無效果!但繼續寫又驚佢一次過黎好多，所以就叫一個女侍應埋黎，對話如下:我地好心平氣和問:我地叫左d野好耐都未黎同寫左好多張單，我地應該繼續寫單定繼續等?女侍應:你咁問我，我都唔知架，我又唔係做廚房，你催我都無用，我又無理由入去催佢，唔通我入埋去炒餸咩?!態度之差非筆墨可以形容，我火起3尺，好彩有2個男侍應及時將佢拉開，並且道歉!!否則真係會同佢嘈起上黎!我地好聲好氣問你，你用d咁既態度答我地?
之前有食過同一個舖位既放題，黎到先知道轉左名或易手。之前都不錯，所以都放心再黎食過。點知一黎到就見到好多人係門口等位，仲要好多人都好燥底了。而舖頭裏面都坐滿人，侍應好忙。擾攘左一陣，入去坐低就急不及待寫左幾張紙啦，款式無乜特別。 等左一陣，刺身就上啦，味道ok,都ok新鮮，就寫第二張刺身。於是者又等左一陣，再黎既都係刺身。熱食上菜速度好慢，本身以為自己錯覺，但當聽到周圍唔同枱話要買M記，食飽一半係咪可以比一半錢，d野叫左好耐都未黎……等等既說話，就知今次真係中伏了！d食客係咁催d侍應都無用。咁我地就落力d寫多幾張單，不過完全無效果!但繼續寫又驚佢一次過黎好多，所以就叫一個女侍應埋黎，對話如下:
我地好心平氣和問:我地叫左d野好耐都未黎同寫左好多張單，我地應該繼續寫單定繼續等?
女侍應:你咁問我，我都唔知架，我又唔係做廚房，你催我都無用，我又無理由入去催佢，唔通我入埋去炒餸咩?!
態度之差非筆墨可以形容，我火起3尺，好彩有2個男侍應及時將佢拉開，並且道歉!!否則真係會同佢嘈起上黎!
我地好聲好氣問你，你用d咁既態度答我地?!
後面張枱仲精彩，雖然聽唔清對話，大概都係上菜慢之類的說話 , 向一個好似係老板娘既人投訴左好耐，結果4個人，一亳子都無比就拉隊走人!
最後係飲野飲飽，埋單每人220，勁唔抵!!仲要受氣，諗起都嬲!
坦白講，食物係ok, 不過不失! 但係上菜既速度同某員工既態度真係不敢恭維!
無下次!
Post