Oyster To Go

Open Now

Now Closed

去左慶祝生日，叫左2人套餐368蚊加一，份量少不特止，仲要上菜之間等勁耐，三催四請都未上到個意粉。2人餐有一碟沙律，6隻生蠔1碟細意粉同2杯布丁，生蠔幾鮮甜，但每人得3隻，卡邦尼意粉味道一般，份量絕對唔夠兩個人食，仲要等左差唔多45分鐘先食到，布丁都係一般，似屋企會整到既質素。總括黎講成個餐絕對唔值400蚊，食完好似無食過野咁，重點係間餐廳完全唔夠人手，見好多枱客都要係咁催佢幾次先上菜，未試過食飯食到咁燥。唔止係咪太黑仔，仲要撞正廁所漏水，一路食一路聞住浸廁所味。最後食左兩個幾鐘先離開到餐廳，仲要book枱個陣話送既生日蛋糕都無出現過，但實在食左太耐，廢事再催了。雖然話係黃店，但都真心無下次。