籠太子點心專門店

Open Now

Now Closed

嚟到太子好想食涼皮，但原來星期一例休，唯有轉場去附近餐廳飲茶。呢間餐廳茶芥只係$3，仲要無加一，絕對違反生活物理！皮蛋瘦肉粥，粥底好綿唔係稀冧冧果種，而且好足料每啖都食到皮蛋和瘦肉！皮蛋牛肉腸，外面好少有以皮蛋做餡的腸粉，原來又幾夾！最緊要係腸粉皮薄牛肉又多，有驚喜！北菇雞粒飯，直頭可以以雞件來形容，份量多夠飽肚！雪山叉燒包，雪山整得不錯，可惜叉燒份量唔多多汁小籠包，大大粒，配以醋來點酸酸甜甜好開胃！值得一讚是上菜速度快，叫了7籠點心，人均每人約$80！