銀座神樂屋 (Closed)

上星期第四次幫襯灣仔銀座神樂屋，近一年去過三次，之前食物好味，食材新鮮，最吸引係刺身，帶子甜蝦唔算特別鮮甜，但整體質素還是吸引，食物種類多，甜品好味，但上星期再次去，服務差，我哋入座後照舊寫三章紙仔入單，我哋一坐低佢就放低一份我哋冇叫嘅刺身拼盤，唔緊要，都係食刺身，但係我哋三張紙寫低咗我哋想叫嘅刺身類別，指定數目，點知等咗半個鐘頭完全冇上菜，我就唔好意思問吓個女服務員，請佢幫手問問，佢詐諦行開去刺身bar,之後行返嚟同我講:「你再畫過啦，」我嗰一下就覺得：我哋跟規矩寫好晒品種+數量（當然有正確寫枱號）但係點解唔係跟客人order做嘢？你有你點佢有佢上菜，之後再嚟嘅刺身拼盤，根本不是我所點嘅種類，全部都係一式一樣刺身拼盤，例如你寫三文魚五件+帶子五件，佢唔會上俾你，之前幫襯三次都唔覺有呢啲事情發生，而且服務員真係比之前冷淡，21:00已經趕收工（餐廳坐到22:00點），比之前退步咗，今次仲加價到$318以上（未加一）下次應該唔會幫襯