Video
Read full review
2018-02-12
69 views
好多年都無行維園花市，今日下午終於重遊一趟，可惜，毫無新意，唔嚟好過嚟。Honey 見我黑晒面，就氹我，話想睇有新意嘢好易啫，就帶咗我由維園行去駱克道，嚟到呢間非一般甜品店。 一坐低，甜品師哥哥就遞咗兩支試管俾我哋。(嘩! 到底Honey 帶咗我去甜品店，還是化驗室呀?) 原來兩支試管係士多啤梨welcome drink。 甜品店全由年輕甜品師打理，個個埋頭苦幹。我哋坐在高身bar 檯櫈，可以近距離同佢哋接觸，欣賞佢哋嘅手藝。 Honey 話晒事，揀咗 Improvisation 甜品套餐$348，包席前甜品示範和兩個飲品。 我哋揀咗白色畫布，甜品師哥哥就開始動手，速度好快，一時用唧筒，一時又用小鏟子，基本上，係睇唔清楚佢喺度畫咩，淨係知道佢喺度畫畫，我就覺得好似以前上Arts 堂，睇住 Miss 示範畫畫咁。 好彩，佢會講俾我哋知，每一個step佢做咩。我又覺得好似以前上 Chemistry 堂咁，要跟 procedure去做:-Step 1: 用朱古力、芋頭、士多啤梨糖醬來畫抽象畫；Step 2: 掃上蜜瓜、士多啤梨、芒果糖粉；Step 3: 放脆米、菠蘿乾；Step 4: 放甘桔
一坐低，甜品師哥哥就遞咗兩支試管俾我哋。(嘩! 到底Honey 帶咗我去甜品店，還是化驗室呀?) 原來兩支試管係士多啤梨welcome drink。
甜品店全由年輕甜品師打理，個個埋頭苦幹。我哋坐在高身bar 檯櫈，可以近距離同佢哋接觸，欣賞佢哋嘅手藝。
Honey 話晒事，揀咗 Improvisation 甜品套餐$348，包席前甜品示範和兩個飲品。
我哋揀咗白色畫布，甜品師哥哥就開始動手，速度好快，一時用唧筒，一時又用小鏟子，基本上，係睇唔清楚佢喺度畫咩，淨係知道佢喺度畫畫，我就覺得好似以前上Arts 堂，睇住 Miss 示範畫畫咁。
好彩，佢會講俾我哋知，每一個step佢做咩。我又覺得好似以前上 Chemistry 堂咁，要跟 procedure去做:-
Step 1: 用朱古力、芋頭、士多啤梨糖醬來畫抽象畫；
Step 2: 掃上蜜瓜、士多啤梨、芒果糖粉；
Step 3: 放脆米、菠蘿乾；
Step 4: 放甘桔啫喱、草莓、朱古力布甸、花生糯米糍；
Step 5: 放朱古力片、芝士wasabi 奶凍、紅豆糕、焦糖脆脆
砌完之後，以為佢完成幅畫，點知好戲在後頭。佢話仲要整兩種雪糕。
佢拎咗個盤出來，然後打咗啲gas 入去。佢話係液態氮，溫度是負196度。嘩! 我又返咗去上 Chemistry 堂喇!
之後，佢又分別將啲竹炭味雪糕溶液倒入去，不停咁攪，就整咗啲竹炭味雪糕出來。跟住又重覆個 procedure，整多一款紅豆雪糕出來。
舖埋啲雪糕和龍鬚糖去幅抽象畫上面，就係咁，一幅創意無限嘅甜品畫呈現眼前。
【70% 朱古力】朱古力味好濃烈啊! 正!
【Signature Fruit Tea】今次輪到靚女甜品師出場。佢拎咗套 distillation 嘅 apparatus 出嚟，整水果茶。我哋又一次上 Chemistry 堂喇，我仲諗番起Charles' Law、Boyle's Law。最上邊一個樽是放咗水果，而個樽又連接著另一個 flask，個 flask 裡面有茶。佢點著火，成個system 就溫度上升，裡面的氣壓就會上升，仲會壓啲茶上去上邊個樽，咁樣樣，啲水果就可以俾啲茶浸住。
熄火之後，流番啲茶去個 flask 之後，就可以拆走上邊個樽。
跟住就可以加蜜糖調味。飲落又幾好味喎!
今趟真係夠創意，可以睇甜品師表演，又可以重溫上美術堂和化學堂嘅光景。
Post
