Next Station Dessert (Closed)

嚟到對住個menu真係一定會有選擇困難症，選擇多之餘，味道又多，幾經辛苦揀咗以下三款甜品食法式朱古力香蕉班戟配青檸雪葩：個班戟唔似一般食開既班戟，而係一卷卷既，餡料塞滿朱古力慕斯，pancake皮好薄，雪葩就味道幾fresh，呢個甜品賣相一流。朱古力心太軟配曲奇雪糕：心太軟可以揀四款酒之一，好特別，好好玩，可以自己擠落去，心太軟切開真系流心既，個皮亦都甜度適中，雪糕加埋d crumbs食就更好味。熱情果梳芙厘：相比起呢度打對頭對面個間甜品鋪，呢度既梳芙厘做得無咁出色，唔夠輕，好實似食慕斯多d，建議梳芙厘就唔好係度食啦。