Video
Read full review
2015-08-21
754 views
依家嘅咖啡店，越開越有個性，再唔喺嗰三幾間連鎖店所壟斷，而且，開到好似更有一間晌左近咁，真喺咖啡迷嘅福氣。其實，身邊有唔少朋友都唔喺咖啡之友，但就一樣喜歡上咖啡店，因為，不少咖啡店嘅甜點或鹹點一樣精采。最近，就到訪位處灣仔玩具街（太原街），卻近皇東嘅La Station Hong Kong，好好享受咗一頓美味輕食。因為屈咗入內街，令小店更多添一份寧靜。走入店內嘅第一印象就喺猶如身處歐洲火車站嘅感覺，因為拱形天花、白瓷磚、波形吊燈、歐陸風地磚，以及印咗飲品嘅火車時刻表，果真極盡心思，亦都好易帶出依個感覺，怪不之得，名字就叫做La Station，就讓小弟幻想吓等緊下班火車，趁空檔嚟嘆番一杯香濃咖啡！店員仲話近門口嘅一邊牆同柱位用上紅色紙皮石，喺以中環站為藍本，怪唔之得另一邊牆上仲做咗個港鐵路線圖嘅銅管燈牌，甚具玩味，有趣。稍稍睇吓食物有咩揀，雖然店鋪細細，但選擇都唔少，有三文治、牛角包、蛋批、蛋糕……等等，而飲品方面，一大個「火車時刻表」睇晒，咖啡、茶、鮮果汁、思慕雪……等多款。見到啲長條蛋糕（Loaf Cake）嘅口味有啲似曾相識，再見到膠盒嘅白色印字，同埋佢哋擺放咗Paul Lafa
走入店內嘅第一印象就喺猶如身處歐洲火車站嘅感覺，因為拱形天花、白瓷磚、波形吊燈、歐陸風地磚，以及印咗飲品嘅火車時刻表，果真極盡心思，亦都好易帶出依個感覺，怪不之得，名字就叫做La Station，就讓小弟幻想吓等緊下班火車，趁空檔嚟嘆番一杯香濃咖啡！
店員仲話近門口嘅一邊牆同柱位用上紅色紙皮石，喺以中環站為藍本，怪唔之得另一邊牆上仲做咗個港鐵路線圖嘅銅管燈牌，甚具玩味，有趣。
稍稍睇吓食物有咩揀，雖然店鋪細細，但選擇都唔少，有三文治、牛角包、蛋批、蛋糕……等等，而飲品方面，一大個「火車時刻表」睇晒，咖啡、茶、鮮果汁、思慕雪……等多款。
見到啲長條蛋糕（Loaf Cake）嘅口味有啲似曾相識，再見到膠盒嘅白色印字，同埋佢哋擺放咗Paul Lafayet嘅月餅宣傳單張，再八吓問問店員，原來La Station Hong Kong可以話喺Paul Lafayet嘅姊妹店，後者眾所周知主打喺賣法式甜點，而前者就以咖啡、輕食、三文治作招徠。再傾多幾句，原來，亦有賣部份Paul Lafayet嘅甜品。所以，La Station Hong Kong可以稱得上有個強大「後盾」作支援，再者，以Paul Lafayet嘅名義，La Station Hong Kong嘅出品變得更有保證。
Ham and Cheese Cake $30通常望見咁嘅外型，都會覺得喺一件甜嘅蛋糕多，但依一款混入芝士及鹹火腿粒嘅蛋糕，入口感覺好得意。佢都喺屬於長條蛋糕嘅一類，口感比較實淨啲，感覺較飽肚，唔會食完得陣風，入口鹹鹹甜甜，微微芝士香，偶爾咬到鹹香嘅火腿粒，都幾OK嘅。若果你喺想食鬆軟、富彈力嘅海綿蛋糕，長條蛋糕未必喺你杯茶！
Ham and Cheese Cake
$30
31 views
0 likes
0 comments
Lemon Cake $25再試埋另一款較傳統嘅長條蛋糕：Lemon Cake，質感同樣實淨，食落肚好有實在感，而入口清新嘅檸檬香味慢慢滲出，帶點酸酸甜甜嘅感覺。襯上一杯醇香嘅咖啡嚟配搭，效果絕對不錯。
Lemon Cake
$25
54 views
0 likes
0 comments
法式蛋批感覺上晌香港好似唔喺好流行，之前曾晌中環嘅「咖啡・民館」試過，非常好食，印象深刻，今次晌度重遇，當然要細心品嚐。蛋批烘得金黃，面層帶點焦香，邊位非常酥脆，然而餡心柔軟而富蛋香，再者，內裡混和半溶嘅芝士及鹹香嘅火腿，整體都甚有水準。
Ham and Cheese Quiche
$40
87 views
0 likes
0 comments
Rose Latte $45鮮奶咖啡一向喺小弟偏愛，所以，試一試帶玫瑰花香嘅Rose Latte，估唔到真喺幾好飲喎。個心形拉花拉得細緻，有個好印象，自不然對杯咖啡都多咗信心，唔使加糖，更加唔使攪，飲落好香好滑，細膩平衡，微微嘅玫瑰花味，唔會太搶，所以，杯Rose Latte甚得小弟歡心。
Rose Latte
$45
30 views
0 likes
0 comments
Smoothie有餐廳譯沙冰，小弟就鍾意用另一個較少人用嘅譯名「思慕雪」，因為有音譯嘅效果，又譯得有意思。唔喺店員講，都唔知喺溝咁多嘢，又意式濃縮咖啡（espresso）、又有蜜糖、鮮奶，當然唔少得香蕉，冰粒，打埋一齊，入口冰涼香滑，咖啡同香蕉味都夠平衡。
Banana Coffee Smoothie
$45
25 views
0 likes
0 comments
Post
