小豆町日本料理

Open Now

Now Closed

返工心很累，今次完全唔想去遠啲既地方食飯，所以想同老豆去近近地既餐廳食就算，咁岩附近有想食既日本餐廳就約老豆係藍地等啦。餐廳電視播住孤獨的美食家，岩哂開餐😋 前菜叫左雜錦刺身沙律，入面有牛油果mix 埋三文魚同油甘魚，刺身量多又夠fresh，自己又可以食多啲菜，健康之選。小食就揀左雞泡魚乾，出面好多都係配沙律醬，但我都係鐘意用少少檸檬汁，魚乾帶甜，加上🍋酸酸地好開胃，下酒一流。特上壽司一共8件，有齊池魚、章紅魚同油甘魚等，自己prefer 池魚同油甘魚，油脂夠厚但唔會膩，本身個刺身已經夠哂新鮮，唔使豉油黎提鮮，又會帶好重腥味。鹽燒三文魚腩壽司上面燒一燒帶出點焦香，裡面油脂豐富。最尾老豆叫左個蒲燒鰻魚飯，鰻魚夠厚肉，蒲燒汁最岩送飯，食落魚肉嫩滑細緻唔嚡口。