Video
Read full review
2016-07-02
2523 views
韓國菜，一向都係我同男朋友嘅頭三位，今次嚟到119station。呢到好旺好多人，裝修似足韓國嘅燒肉店，唔講真係以為自己去咗韓國！點餐係自己用點餐紙落單嘅，另外仲會有啲期間限定嘅款式嘅餐牌咖。燒牛肋骨生菜包初頭以為係好似平時啲咁，整好哂上枱。但一望，未熟咖喎！原來係要自己落手落腳去燒咖xd咁都幾好玩喎。仲可以保證肉燒得熱辣辣，同有幾熟。牛肉肉質嫩滑，唔會韌，肉味都幾濃。加上一齊燒過嘅泡菜，蔥絲同辣醬，包住係生菜入面，夠哂多汁又豐富！濟洲黑豚烏賊揪紅燒呢個係期間限定嚟嘅，超級豐富同大份。一上枱啲野係未熟嘅，等佢煮咗一陣，店員就會嚟幫我地剪開啲配料同煮勻佢。有一隻原隻嘅八爪魚，五花腩，韓式粉絲，好多好多嘅泡菜同蔥蒜。八爪魚幾彈牙，五花腩亦都好香口。最好食係粉絲搞勻咗啲泡菜同蔥蒜，勁入味！豆腐牛肉燉鍋因為前兩樣都比較熱氣，所以想叫翻樣健康啲嘅湯。呢個燉鍋係唔辣嘅，牛肉係牛展，出奇地煲得又淋又入味！鍋入面有大量嘅娃娃菜，豆腐同金菇。湯底好清甜，中和翻頭先啲餸嘅熱氣同辣。中意食清淡啲嘅人可以一試！Smoothie Light (芒果)本身望到側邊個枱有人飲，即刻雙眼發哂光要叫！點解？因為佢個外型
呢到好旺好多人，裝修似足韓國嘅燒肉店，唔講真係以為自己去咗韓國！
點餐係自己用點餐紙落單嘅，另外仲會有啲期間限定嘅款式嘅餐牌咖。
燒牛肋骨生菜包
初頭以為係好似平時啲咁，整好哂上枱。但一望，未熟咖喎！原來係要自己落手落腳去燒咖xd咁都幾好玩喎。
仲可以保證肉燒得熱辣辣，同有幾熟。牛肉肉質嫩滑，唔會韌，肉味都幾濃。
加上一齊燒過嘅泡菜，蔥絲同辣醬，包住係生菜入面，夠哂多汁又豐富！
濟洲黑豚烏賊揪紅燒
呢個係期間限定嚟嘅，超級豐富同大份。
一上枱啲野係未熟嘅，等佢煮咗一陣，店員就會嚟幫我地剪開啲配料同煮勻佢。有一隻原隻嘅八爪魚，五花腩，韓式粉絲，好多好多嘅泡菜同蔥蒜。
八爪魚幾彈牙，五花腩亦都好香口。
最好食係粉絲搞勻咗啲泡菜同蔥蒜，勁入味！
豆腐牛肉燉鍋
因為前兩樣都比較熱氣，所以想叫翻樣健康啲嘅湯。呢個燉鍋係唔辣嘅，牛肉係牛展，出奇地煲得又淋又入味！
鍋入面有大量嘅娃娃菜，豆腐同金菇。
湯底好清甜，中和翻頭先啲餸嘅熱氣同辣。中意食清淡啲嘅人可以一試！
Smoothie Light (芒果)
本身望到側邊個枱有人飲，即刻雙眼發哂光要叫！點解？因為佢個外型好可愛岩哂我呢個港女～
係一支好大嘅芒果沙冰上面倒插住燈泡型嘅梳打汽水。
睇得又飲得，岩哂我呢啲中意打卡嘅女仔！
一路飲啲汽水就會自動流落芒果沙冰到。芒果味幾濃，好飲又特別！
Blue Punch
男朋友對藍色飲品有個情意結，每次見到都實要飲。呢一杯又係超級大。首先藍色汽水打咗啲氣，然後先再加落另一個有生果嘅壺到。
藍色汽水其實有啲檸檬薄荷味，唔算好特別，但幾有睇頭。
Post
