8鍋臭臭鍋 (金巴利道) (Closed)

今日同朋友晏晝想食重口味少少，所以就黎到呢間8鍋臭臭鍋打個微型邊爐。話到明係八鍋臭臭鍋，餐牌有八個鍋選擇，所有送上枱之後都會有個爐持續加熱，感覺就好似打邊爐咁，旁邊仲有配料吧，讓食客可以自行條配醬料！同朋友叫咗兩個鍋，加$7配飲品。招牌臭臭鍋（$88），配料有榨菜絲、大腸、韭菜、鳴門卷、白豚肉、台灣貢圓、鵪鶉蛋、炸枝竹、米血糕、臭豆腐、番茄、粉絲、豬紅、娃娃菜、沙白、金針菇。雖然叫臭臭鍋，但其實一啲都唔臭，除咗臭豆腐之外，湯底冇臭豆腐嘅味道，如果唔鍾意臭豆腐嘅人都會接受得到！配料有好多，其中的米血糕，用豬血同糯米製成，食落煙銀，口感非常特別，另外豬紅非常嫩，好食！台式麻辣鍋（$88），配料有米血糕、沙白、福州魚蛋、魷魚圈、炸枝竹、豬紅、金針菇、泡面、麻辣餃、牛肉片、凍豆腐、青豆角、娃娃菜、甜不辣、大腸、鳴門卷。麻辣鍋湯底（中辣），湯底非常惹味，配菜唔使加醬料都非常之入味，食得辣嘅朋友非常推薦！叫咗杯奶蓋紅茶配寒天，同喜x嘅奶蓋一定有距離，但係都算合格，始終呢間都唔係主打台式飲品，可惜茶底偏甜，叫微甜應該會合適一點。