小火焰韓式咖啡廳 (觀點中心) (Closed)

難得個friend放假，就約咗佢去呢間食韓國嘢，食過兩三次都唔錯所以同佢一齊黎。兩點幾都真係食tea咁濟，不過大家都好肚餓，先叫咗個糖心蛋肉醬飯同紫薯年糕。個飯就一般同冇咩特別，不過個糖心蛋都幾唔錯，年糕就真係幾好食，由其個汁👍同佢年糕入面有餡。由於佢午餐可以半價配特色飲品，就叫左杯凍抹茶拿鐵，幾濃味抹茶味👍。另外再叫左份薯條配炸雞，炸雞炸得幾香口，佢啲味調得幾好同入味，薯條冇乜特別，都係普通薯條咁。最後我friend叫左杯凍柚子。整體員工幾nice, 環境坐得舒服，食物都ok。