鑽石冰室 (Closed)

喺旺角呢頭同朋友行完街，有少少肚餓！所以就喺大角咀呢頭覓食，大角咀會比旺角清靜少少，容易搵到好嘢食，又唔使同人迫！由於朋友住喺呢一頭，所以佢就比較熟路，並且介紹咗我哋去食鑽石冰室！一入到去，職員就幾好態度咁帶咗我哋去一個卡位，我哋睇咗一陣餐牌，就揀咗豬扒包下午茶餐，個餐包一個大大個豬扒包，仲有一杯熱飲！野飲方面，就揀咗茶餐廳最出名嘅奶茶，奶茶一飲落去好滑，可見師傅嘅功夫唔錯！豬扒包就大大件，個豬扒好好食！成個餐都只係20蚊，所以真係好抵食架！