蠔站 (黃金廣場) (Closed)

放假同朋友打算食tea，天氣熱，食生蠔都係一個唔錯嘅選擇。之前食過oyster station，好唔錯，今日又嚟幫襯。當然要叫抵食之選，$10一隻生蠔，今期做緊愛爾蘭品種，雖然細細隻，但肉身都好厚，爽口同好新鮮，勁抵食之後再叫左一份薯條，新鮮炸，好好食！餐廳仲有好多唔同菜式選擇，之前食過意粉同pizza，都好唔錯。由於今日食tea，就唔叫主食。餐廳環境好，又乾淨，同埋地方闊落，又冇限時，可以同朋友慢慢傾計，坐得舒服，自然食得開心。