康和閣酒家

Open Now

Now Closed

本來同朋友去食一間就結業的老字號，點知下午原來唔開門，咁轉plan食其他野，諗諗下好耐無飲過茶不如上茶樓啦。朋友話康和閣好坐，啲枱距離濶啲，而且有下午茶餐牌，勁多特價點心。一口氣劃左好多樣野食，會唔會眼濶肚窄呢。酥脆韭菜角即係炸韭菜餃啦，炸得香口嘅，韭菜有啲汁幾好味。芋茸千絲酥原來呢個係甜嘅，入面包著芋泥，但我覺得個皮一條條有啲拮口。香茜叉燒腸腸粉又幾好喎，皮滑又夠韌，唔會一夾就散。香煎糯米雞呢個無乜餡又無乜味，要點辣醬食。燒汁魚肉釀茄子即炸起熱辣辣㗎，魚肉彈牙，好食。咸魚雞粒飯煲仔上份量好大下，雞滑咸魚香，加埋甜豉油好味，抵食之選。姬松茸鮮竹卷有少少菇味都幾好，但鮮竹卷本身偏油，內餡係素菜。花菇滑燒賣飲茶一定點嘅燒賣，好大粒，粒粒有蝦，但肥豬肉太多，咬落好油。食咁多都係百幾蚊，飲左三四壺茶，真係好抵飲。