LOF10 Bistro (Closed)

同朋友相約係灣仔行街，順路食個港女tea。店舖裝修闊落精緻，好岩一班朋友坐底傾計同chill up。意式黑椒牛肉班尼尼配薯餅班尼尼即叫即烘底上到黎熱辣辣好脆口，睇到爆芝士多到漏出黎，牛肉都幾足料，調味唔錯唔會太咸，黑椒整體都好出味。個包唔會烘得太耐硬倔倔甘，食落仲好鬆軟。雪糕曲奇三文治雪糕有得揀奶茶味or抹茶味，我就揀左奶茶味。雖然上到黎變左朱古力味，不過有意外驚喜。朱古力味好香濃會食到係偏苦味嘅朱古力，夾埋脆脆嘅曲奇真係二重享受。Hojicha Latte 雖然培茶冇拉花，但佢係靠味道取勝，培茶味濃厚。好中意佢奶泡打得好幼滑厚身，飲落好順口。總括黎講，食物質素唔錯擺盤幾靚好岩打卡，而且店員服務好有禮貌，又一朋友約食飯嘅好地方。