一粥麵 (麗港城商場)

Open Now

Now Closed

喺麗港城尼個美食沙漠，嘢食其實來來去去都係嗰幾間快餐，麥當勞嘅下午茶已經同散叫差唔多一樣唔抵，大快活下午茶嘅選擇又小，份量又夠。美心其實叫做好dd,但係又執咗。星期日瞓到晏晝2:00啱啱好下午茶時間。係冇選擇嘅情況下就揀咗一粥麵。疫情關係一粥麵而家多咗個電話qr code order，可以係屋企㩒完之後，慢慢去拎。如果親自去門市買，星期日可能要等成20分鐘先有得拎。一粥麵嘅細蓉下午茶其實唔多，不過下午茶就啱啱飽，勝在CP值夠高。連埋紅豆冰30蚊有找。有時會送咋喳。我阿媽同我講長者咭有優惠不過就冇得喺電話order