L.D.K. by Ufufu Café (德福廣場) (Closed)

同朋友去葵廣行街，行到攰就想搵間餐廳食個Tea。朋友話呢間Tea Set都抵食，所以就嚟試吓。餐廳行日式路線，都幾靚幾舒服。下午茶價錢$48起，都有好多選擇，有蛋糕、芭菲、漢堡、飯、意粉等。焦糖千層蛋糕配飲品$48賣相都唔錯，好日系。一向都鐘意食千層蛋糕，呢間份量都ok, 味道唔差，唔會過甜。咁當然無Lady_ 果D咁好食既。不過以CP值來說，有得打卡又坐得舒服，都算唔錯。日式火山燒漢堡$62味道真係日式嘅味道，入面係山薑豚肉燒，幾好食。返到屋企我都上網學咗點整～～不過價錢少貴，質素其實同Mos差不多。