麵屋豚豚拍子 x 辛味屋 (Closed)

見今日落雨冇地方去，落去商埸行下，唔覺意見到呢間嘅下午茶好似幾吸引，星期六都係平日咁嘅價錢，於是入去探下店。環顧四週都只係有三四檯客，坐低後要掃QR code 自助落單，兩個人叫咗一個黑豚拉麵（輕盈）$48 及一個金菇牛肉卷定食$45。呢碗黑豚拉麵（輕盈）確係份量較正常細碗，個湯係黑蒜油豬骨湯，味道都幾好，叉燒就有少少柴，拉麵都有韌度，唔錯。呢個係金菇牛肉卷定食$45，有麵豉湯、沙律同一碗白飯，碗麵豉湯唔夠味，粟米同沙律就好味，主角嘅金菇牛肉卷份量都唔少，個汁調較得好好味，呢個真係好抵食又好食！最後埋單連加一都只係$102，下次去再試其他食物。