藍象泰國餐廳 (Closed)

平時大家一講起食下午茶好多時都係諗起茶餐廳同各大酒店既西式茶點，但今日我地係尖沙咀就搵到個下午茶新選擇，一個充滿泰國特色既下午茶。成個tea set好似食緊西式茶點咁，一樣有咸有甜。由最上層開始講起，左至右分別係暖心榴連撻，班蘭撻同泰式辣朱古力。 榴連撻味道濃郁，牛油皮鬆脆唔會太厚，班蘭撻質地煙靱，而辣朱古力入口甜絲絲但最後有一陣辣勁係喉嚨到都幾刺激感官。中間一層係馬可，柚子蟹肉沙律卷同皇家宮殿餃子。馬可所用既菠蘿幾甜，上面既醬有少少nuts既感覺。柚子蟹肉沙律卷，柚子味道清新。宮殿餃子造型獨特，配合鳥籠架，中間係一啲泰式餡料，食落集合甜酸辣咸。最底層係炸物，包括香脆蝦餅，泰式比利時炸蝦同泰式春卷。蝦餅特別之處係中間夾左完整既蝦，另一邊既炸蝦係麵團既中間有咖哩味，我感覺幾有創意同幾好食。泰式春卷中間不同既材料令個春卷有好多口感。跟住我地叫左一個芒果糯米飯沙冰，開頭啲冰好似冇咩味但其後慢慢飲到芒果既香甜，仲有啲糯米粒係中間都幾得意。總結呢到帶比大家一個與平時截然不同既下午茶體驗，係茶點中加上左你想像唔到既泰式風味係中間，如果平時有食開下午茶既朋友，都可以試一試呢種不同風味既一餐。