利滿皇宮 (Closed)

好耐無黎呢度飲茶，今日同個朋友黎飲下下午茶，上到黎都無乜點變喎，裝修同未改名前差不多，下午茶依舊係好多特價點心，價錢做到好平呀。炸魷魚鬚，賣相雖然同常見嘅唔同，但即叫即炸好香脆，點下喼汁幾好味。雞絲腸都幾大碟喎，餡都包得多，腸粉煙韌嫩滑，加埋甜豉油唔錯呀。煎虎皮椒有四條，鯪魚肉塞到好厚下，好香脆，咁啱呢四隻都唔辣，讓辣椒要有少少辣先過引喎。蝦餃大大隻，好多蝦好鮮甜，正。下午茶做緊特價嘅燒賣，一籠兩粒$5.8，超抵食！瘦肉同肥肉比例唔錯，咬落有肉汁，上面仲有隻蝦添㗎，特價都無稀場。小籠包無乜特別啦，皮都幾厚，但至少入面仲有湯汁，呢個價錢收貨了。叉燒包幾大個，餡料都算多，個味調得唔錯。仲叫左奶皇包，哈哈，呢度個包黃色㗎喎。個奶皇好流心，鹹鹹甜甜幾好味。紅棗糕都係超特價$6.8一籠，煙煙韌韌有紅棗味，微甜幾啱口味，抵食。最後仲有鹹魚雞粒炒飯，呢個掂喎，炒到粒粒分明，食落唔油膩，最正係多鹹魚！兩個人食好似誇張左，但其實係午餐黎㗎呀，忙到下午茶時段先得閒去食野所以勁肚餓。唔錯唔錯，想飲茶又多個地點選擇。