敏華冰廳

Open Now

Now Closed

大年初三好多餐廳都有開去咗又一城附近拜年，拜完年之後就喺敏華去食下午茶， 人流超多，但啲服務員態度都好好。我除咗叫咗兩set之外，仲另外點咗兩隻蛋白撻同埋兩隻雞批拎走。下午茶：蔥油雞扒撈公仔麵 $50佢雞扒雖然細細塊，但係好嫩滑，一啲都唔乾，不過蔥油份量有啲少，所以唔夠蔥油味，唔係好撈得哂d 公仔麵。特餐：沙茶牛肉公仔麵配煎蛋腸仔佢嘅沙茶醬好香，如果鍾意花生醬應該好鍾意，可惜牛肉份量唔多。另外跟咗兩條腸仔唔係廚師腸，係果d德國腸，感覺性價比幾高。而兩隻煎蛋的蛋黃係橙黃色，切開嘅時候流心的，好香蛋味。蛋白撻 $21/2pcs雞批 $21/2pcs蛋白撻&雞批味道都ok, 酥皮好香，不過蛋白撻有啲甜，奶味好重，似食奶撻多個蛋白撻。而雞批就好唔錯，餡料好滿，皮好薄，整體嚟講真心幾唔錯。不過新春期間要加一，平時下午茶就冇加一，所以平時嚟食會抵啲。