入麵 (Closed)

第一次入荃灣，見肚餓同朋友隨機簡左呢間食下下午茶！下午茶時間人流不多，一入即有位唔洗等，環境亦幾新幾乾淨舒服。而服務員雖然大部分係後生仔女，但態度都幾好！我地主要想食下小食，所以就叫左幾款加飲品，價錢亦都幾合理！兩個人叫左4款小食加兩杯飲品～炸蕃薯條，望落面頭以為是椒鹽既粉，點知食落甜甜地，都幾驚喜幾好味！一兜仔，兩個人食已經好夠，好抵食！仲有呢到既炸雞翼，味道同出面既有些少分別，我會比較中意呢到既多啲～好回味😋😋 另一驚喜係亞姨餃子，共三款唔同料，我地簡左韭菜！望落普通，但一咬落去，裡頭既湯汁流晒出黎😍，一啲都唔乾！最後一款係水魚蛋及燒賣～ 以為係街邊篤既魚蛋燒賣，估唔到上面多左啲料，幾特別，仲有個特別醬汁可以點～味道亦唔會失望！除左小食，我亦叫左杯抹茶紅豆～ 兩者夾就眾所週知架啦，我比較喜歡佢味道唔會太甜，最面有層泡沫，淡淡既奶味，好合我口味！😋😋😋朋友叫既鮮雜果話梅紅茶好足料！好岩夏天飲，大大一杯，夠晒有多～呢間鋪仲有自家既麵食，下次會特登黎試埋佢😁而且好似6點後仲有甜品供應😍😍望落好吸引，可惜時機唔岩，唯有下次再試！