肯德基家鄉雞 (KFC)

Open Now

Now Closed

同男朋友行下行下餓餓地，下午茶時間又到，揀左近近地見唔多人既kfc，鍾意呢度自助形式購買食物，又有梳化座位都幾舒服，又可以坐係度慢慢歎，好自在好舒適感覺先似食緊下午茶!叫左兩個餐，一個揀美味多汁辣辣地既黑椒蘑菇飯，一個揀左甜甜地開胃既白汁雞皇飯，兩個都各有各好食! 每次黎到都必食既香脆酥皮葡撻，皮好鬆化，新鮮熱辣，口感非常豐富，同一般酥皮蛋撻真係冇得比，但如果個撻可以再整大個d就好，一件又唔夠喉，兩件又好似多過頭! 仲有炸到脆卜卜既格格脆，又夠薯仔味得黎又夠脆，薯格既設計一格一格食起黎口感會豐富d，點埋茄汁食更加好味，最後加多兩杯汽水就岩岩好啦!